الأحد، 2 يناير 2011

عارفك ..للشاعر/محمد رجب


صواني نحاس
مسابح خرز
وصوت الأدان
وصوت الجرس
نخيل ونيل
بيجري سلسبيل
والقلة القناوي
ع الشطين سبيل
والسمرا اللي تغزل
ضفايرها في ضفايرك
عارفها وعارفك
عارفك في بعدي حنين الرجوع
يخالط حنيني ملح الدموع
وريحة الخبيز في حضن النجوع
وامي اللي نادرة دستة شموع
لأم المخلص
ومقام الولي
وشوش الجيران
واحساس الأمان
في وسط الزحام وبين الجموع
اكمني عارفك.

ليست هناك تعليقات:

إرسال تعليق